Svalandi melónudrykkur frá Kenya

10. júlí, 2006

Ég gleymi aldrei þegar við komum til Mombasa vorið 2006 í kæfandi hita og fengum ískaldan melónudrykk í glasi þegar við komum á hótelið okkar. Nammmmmm. Það er fátt meira hressandi í sumarhita. Ananasinn inniheldur mikilvæg ensím fyrir meltinguna og vatnsmelónur eru fullar af C vítamíni. Hreinsandi og nærandi drykkur og afar svalandi. Í flestum ferðum okkar til Afríku hefur verið tekið á móti okkur með ávaxtadrykk (oftast ástaraldinsdrykk) en líka stundum með melónudrykk. Það er nóg til að ég dansi af gleði.

Athugið að þið þurfið blandara til að útbúa þennan drykk.
 

Senda uppskrift   Prenta uppskrift   Setja í uppskriftabox

Vítamín og hollusta í glasi
0 ummæli 0 ummæli

Þessi uppskrift er:

  • Án glúteins
  • Án mjólkur
  • Án eggja
  • Án hneta
  • Vegan
  • Hráfæði

Svalandi melónudrykkur frá Kenya

Fyrir 2

Innihald

  • Hálf, vel sæt vatnsmelóna, frælaus eða fræhreinsuð
  • 100 ml hreinn ananassafi
  • 4 ísmolar

Aðferð

  1. Afhýðið vatnsmelónuna, fjarlægið öll fræin og skerið melónukjötið í stóra bita.
  2. Setjið ísmolana í blandarann og hellið 50 ml af ananassafanum út á. Blandið í nokkrar sekúndur.
  3. Setjið vatnsmelónubitana út í ásamt afganginum af ananassafanum.
  4. Hellið í glös og berið fram strax.

Gott að hafa í huga

  • Gott er að setja nokkra dropa af límónusafa út í drykkinn.
  • Upplagt er að frysta þennan safa sem frostpinna fyrir börn.
  • Best er að pressa ananasinn sjálfur en nota má tilbúinn ananassafa.
Flokkar Drykkir, Detox, Páskar / veislur, Sumar
Senda á facebook   Senda uppskriftina á twitter   Pin It  
Senda uppskrift   Prenta uppskrift   Setja í uppskriftabox
© CafeSigrun 2012

Ummæli um uppskriftina

Engin ummæli hafa verið rituð

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
sjö plús átta eru