Sjávarréttasúpa

8. mars, 2003

Þessi súpa er sérlega seðjandi en samt létt í maga. Hún er upplögð á köldum vetrardegi þegar maður þarf fullt af vítamínum í kroppinn og er kannski kalt. Hún er enn betri á degi tvö þegar maður hitar hana upp aftur. Súpan hentar vel fyrir þá sem hafa glúteinóþol.

Senda uppskrift   Prenta uppskrift   Setja í uppskriftabox

0 ummæli 0 ummæli

Þessi uppskrift er:

  • Án glúteins
  • Án eggja
  • Án hneta

Þessa uppskrift er auðvelt að gera:

  • Án mjólkur

Sjávarréttasúpa

Fyrir 4-5

Innihald

  • 1 laukur, saxaður smátt
  • 2 hvítlauksrif, söxuð smátt
  • 1 gulrót, sneidd þunnt
  • 1 tsk kókosolía
  • 1 tsk oregano
  • 1 tsk basil
  • 2 tsk sítrónupipar
  • 1 tsk svartur pipar
  • 0,5 tsk karrí
  • 0,25 tsk fish masala krydd (má sleppa)
  • 400 g saxaðir tómatar (ferskir eða úr dós)
  • 400 ml humarsúpa úr heilsubúð (eða án sykurs og aukaefna)
  • 500 ml vatn
  • 2 gerlausir grænmetisteningar
  • 150 ml mysa (eða óáfengt hvítvín)
  • 350 g ýsa (eða annar hvítur fiskur), skorin í litla bita
  • 400 g blandaðir sjávarréttir
  • 150 ml léttmjólk

Aðferð

  1. Afhýðið lauk og hvítlauk og saxið smátt.
  2. Skrælið gulrót sneiðið þunnt.
  3. Hitið kókosolíu í stórum potti. Steikið laukinn og hvítlaukinn. Notið vatn ef vantar meiri vökva.
  4. Bætið gulrótinni út í ásamt kryddum (oregano, basil, sítrónupipar, svartur pipar, karrí og fish masala).
  5. Bætið vatni, humarsúpu, tómötum og mysu út í pottinn ásamt grænmetiseningunum.
  6. Hækkið hitann og leyfið súpunni að malla í nokkrar mínútur.
  7. Bætið fiskinum út í þegar suðan kemur upp og leyfið að sjóða í um 8 mínútur.
  8. Bætið mjólkinni út í ásamt blönduðu sjávarréttunum og hitið 2-4 mínútur (gætið þess að ofsjóða ekki).

Gott að hafa í huga

  • Berið súpuna fram með snittubrauði.
  • Ef þið viljið gera súpuna meira spari, setjið þá 100 ml af matreiðslurjóma eða hafrarjóma í súpuna (á móti léttmjólkinni). Ég er hrifin af Oatly merkinu.
  • Nota má kókosmjólk í staðinn fyrir léttmjólk eða á móti henni.
  • Ef það verður smá afgangur af súpunni, þá er upplagt að nota hana sem pastasósu daginn eftir!! Þykkið súpuna með 2 tsk af maísmjöli leyst upp í 2 tsk af vatni. Sjóðið pasta og blandið saman við sósuna.
  • Ef kókosolían er hörð má stinga krukkunni í heitt vatn í nokkrar mínútur þar til hún verður fljótandi.
  • Nota má aðra olíu en kókosolíu, t.d. vínberjakjarnaolíu eða repjuolíu.
  • Gerlausir grænmetisteningar fást í heilsubúðum og stærri matvöruverslunum.
  • Ef þið eruð ekki viðkvæm fyrir geri getið þið notað venjulega, lífrænt framleidda grænmetisteninga.
  • Nota má hrísmjólk, möndlumjólk, sojamjólk eða haframjólk í staðinn fyrir léttmjólk.
Flokkar Súpur, Fiskur, Á ávallt við, Vetur
Senda á facebook   Senda uppskriftina á twitter   Pin It  
Senda uppskrift   Prenta uppskrift   Setja í uppskriftabox
© CafeSigrun 2012

Ummæli um uppskriftina

Engin ummæli hafa verið rituð

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
tveir plús átta eru