Prótein- og kalkrík hnetu- og möndlumjólk

Þessi drykkur er mjög próteinríkur og hollur fyrir hjartað sem og beinin. Upplagður að morgni eftir ræktina, sérstaklega fyrir þá sem vilja ekki neinar mjólkurvörur. Best er að nota góða matvinnsluvél eða blandara til að hneturnar maukist sem best því þannig er drykkurinn bestur. Drykkurinn er hitaeiningaríkur svo það er ágætt að drekka hann ekki á hverjum morgni ef maður er ekki mikið að hreyfa sig en einnig getur maður líka minnkað skammtinn og drukkið minna í einu! Hafið þó í huga að fitan í drykknum er holl þ.e. hún samanstendur af einómettuðu fitusýrum sem eru góðar fyrir hjarta og æðar.

Mjólkin er ekki mjög sæt en þið getið sett meira agavesíróp eða svolítinn eplasafa út í til að gera hana sætari.