PizzabotnPizzabotn
22. maí, 2008
Þetta er spelt pizzabotn sem hentar vel í allan pizzabakstur. Venjulegir botnar eru með geri en þessi er gerlaus. Ég sá einmitt auglýsingu frá stórri pizzakeðju í blaðinu í dag og það var pepperoni og ostur inni í djúpsteikta pizzabotninum. Ég fékk hroll niður eftir bakinu. Þessi pizzabotn er einmitt ekki fyrir þá sem finnst svoleiðis pizzabotnar góðir.
Senda uppskrift
Prenta uppskrift
Setja í uppskriftabox
Myndina af pizzabotninum sem Lísa Hjalt bakaði
8 ummæliÞessi uppskrift er:
- Án mjólkur
- Án eggja
- Án hneta
- Vegan
Pizzabotn
1 pizzabotn sem dugar fyrir um 2-3
Innihald
- 250 g spelti
- 1,5 tsk vínsteinslyftiduft
- 1 tsk salt (Himalaya eða sjávarsalt)
- 1 tsk pizzakrydd t.d. frá Pottagöldrum
- 0,5 tsk oregano
- 200 ml volgt vatn
- 1 msk kókosolía
Aðferð
- Blandið saman í stóra skál; spelti, vínsteinlsyftidufti, oregano, pizzakryddi og salti. Hrærið vel.
- Blandið vatni og kókosolíu saman við. Hnoðið lauslega.
- Blandið vel saman og hnoðið lauslega.
- Ef deigið er of blautt má setja meira spelti út í þannig að hægt sé að fletja með kökukefli.
- Setjið spelt á borð (eða bökunarpappír) og fletjið deigið þunnt með kökukefli.
- Einnig má fletja deigið út í ferkantaða ofnskúffu (með bökunarpappír undir).
- Bakið við 150°C í um 15 mínútur eða þangað til brauðið er farið að dökkna og aðeins stökkt í köntunum. Pizzabotninn ætti að vera tilbúinn fyrir sósu og álegg.
Gott að hafa í huga
- Útbúa má minni og fleiri botna, baka og frysta.
- Einnig er gott að nota ferskar kryddjurtir í botninn
Tengdar uppskriftir
© CafeSigrun 2012
Ofnæmi/Óþol
Bloggið
Póstlistinn
Skráðu þig á póstlistann og fáðu nýjustu uppskriftirnar sendar í pósti
Ummæli um uppskriftina
03. júl. 2011
Þessi botn er ÆÐI! Ég hitaði eldaða pizzuna daginn eftir og daginn eftir daginn eftir inn í ofni og hún var alveg jafn góð!
Ég er hætt! að gera hefðbundna pizzabotna hér eftir!
03. júl. 2011
Og fyrir mismunin sem þú sparar þér geturðu keypt þér pizzastein ef þú átt ekki svoleiðis, það gerir botninn enn þá betri!
06. ágú. 2011
Þessi botn er rosalega góður! Loksins get ég borðað gerlausa og holla pizzu! Ég bætti sesamfræjum útí botninn og það var mjög gott :)
06. ágú. 2011
Gaman að heyra :) Sniðugt að setja sesamfræin út í...ekki verra að fá svolítið kalk í pizzabotninn :)
26. ágú. 2011
Ég á einmitt svona pizzustein, en hef aldrei komist upp á lagið með að nota hann. Hvernig notar þú hann Sigrún?
26. ágú. 2011
Hún Lísa vinkona mín (sem á einmitt myndina af pizzunni hér að ofan) ætlar að leggja til svar, hún notar pizzastein mjög mikið. Watch this space ;)
12. des. 2011
Ekkert smá góður botn - ég átti reyndar ekkert svona krydd til að skella með, en hann var mjög góður engu að síður. Kv. Kristín
13. des. 2011
Gaman að heyra Kristín :)
Skrifa ný ummæli