Korma grænmetiréttur með raita gúrkusósu

Aðferð

Aðferð - grænmetið:

1. Skrælið kartöflu og gulrætur. Skerið gulræturnar í sneiðar og kartöfluna í meðalstóra bita.
2. Brjótið blómkál og spergilkál í sprota.
3. Sneiðið kúrbítinn í frekar stórar sneiðar.
4. Sjóðið kartöflur, gulrætur, blómkál og spergilkál í um 7-10 mínútur eða þangað til grænmetið er farið að mýkjast aðeins en ekki orðið mjúkt.
5. Skerið frönsku baunirnar í 1 sm sneiðar.
6. Afhýðið lauk og saxið smátt.
7. Hitið pönnu (án olíu) og þurrristið möndluflögurnar í 5-10 sekúndur eða þangað til þær taka lit. Setjið til hliðar.
8. Hitið kókosolíu á stórri pönnu. Bætið lauknum út á pönnuna og hitið í u.þ.b. 6 mínútur eða þangað til laukurinn er orðinn mjúkur. Hrærið korma karríinu saman við og hitið í aðrar 2 mínútur. Ef vökva vantar á pönnuna notið þá vatn.
9. Bætið við vatninu, grænmetisteningnum, tómatkraftinum, agavesírópinu, tómötunum, mjólkinni, jógúrtinni og smávegis af salti. Hrærið vel og látið sjóða í um 10 mínútur.
10. Bætið baununum, kúrbítnum, gulrótunum, kartöflunum, blómkálinu og spergilkálinu saman við og hitið í 20 mínútur.
11. Bætið möndlumjölinu við og látið hitna í nokkrar mínútur.
12. Dreifið þurrristuðu möndlunum yfir réttinn.
13. Berið fram með hýðishrísgrjónum og raita gúrkusósunni.

Aðferð - Raita gúrkusósan:

1. Flysjið gúrkuna og skerið langsum í 1 sm lengjur og svo í litla bita.
2. Þurrkið vökva með þurrku.
3. Ristið cumin fræin í nokkrar sekúndur á heitri pönnu (án olíu).
4. Afhýðið hvítlauk og saxið smátt.
5. Saxið corianderlaufin smátt.
6. Hrærið saman cumin, hvítlauk og coriander í skál.
7. Blandið gúrkunni saman við og kryddið með papriku eða cayenne pipar.
8. Kælið áður en þið berið raita sósuna fram.