Kjúklingabaunaspírur

13. janúar, 2007

Kjúklingabaunaspírur eru æðislega góðar og komu mér reglulega á óvart. Það er auðveldast að spíra þær af þeim baunum sem ég hef prófað og þær geymast ágætlega í kæli. Þær eru mun sætari en manni hefði dottið í hug og eru ferlega góðar eintómar með smá tamarisósu. Þær eru auðvitað frábær viðbót í alls kyns salöt. Baunaspírur eru svo hollar að maður ætti að borða svolítið af þeim á hverjum einasta degi. Við það að spíra, margfaldast þær í hollustu!

Senda uppskrift   Prenta uppskrift   Setja í uppskriftabox

Kjúklingabaunaspírur vinstra megin en óspíraðar baunir hægra megin
0 ummæli 0 ummæli

Þessi uppskrift er:

  • Án glúteins
  • Án mjólkur
  • Án eggja
  • Án hneta
  • Vegan
  • Hráfæði

Kjúklingabaunaspírur

1 skammtur

Innihald

  • 1 lúka kjúklingabaunir
  • 1 hrein glerkrukka (gætið þess að hún sé a.m.k. 5 sinnum stærri en magnið af baununum)
  • 200 ml vatn

Aðferð

  1. Látið vatn fljóta yfir baunirnar í krukkunni. Látið liggja í bleyti í 12 tíma.
  2. Hellið vatninu af og skolið baunirnar. Hellið aftur af.
  3. Látið baunirnar standa við stofuhita.
  4. Skolið baunirnar 3-5 sinnum á dag í 3-5 daga.
  5. Fylgist með spírunum því þegar spíruendarnir eru orðnir gulleitir eru baunirnar búnar að vera of lengi að spírast.
  6. Til að hægja á spírunarferlinu má geyma spírurnar í ísskáp og skola þær af og til. Þær geymast þannig í meira en viku.

Gott að hafa í huga

  • Best er að nota lífrænt ræktaðar kjúklingabaunir og sem allra nýjastar. Ef spírunin gengur illa geta baunirnar verið of gamlar.
Flokkar Salöt, Hitt og þetta, Á ávallt við, Detox
Senda á facebook   Senda uppskriftina á twitter   Pin It  
Senda uppskrift   Prenta uppskrift   Setja í uppskriftabox
© CafeSigrun 2024