Jarðarberja- og banana tofudrykkur

18. júní, 2006

Þessi drykkur er fullur af próteinum og vítamínum og er upplagður eftir ræktina eða í eftirmiðdaginn þegar mann vantar orkuskot. Þessi drykkur hentar vel fyrir þá sem eru með mjólkuróþol en einnig þeim sem eru jurtaætur (enska: vegan). Þið skuluð endilega vera óhrædd við að prófa tofu (mikilvægt að kaupa mjúkt tofu) því það er nánast hlutlaust í bragði. Ef þið viljið ekki tofu, getið þið notað hreint skyr í staðinn.

Athugið að þið þurfið blandara fyrir þessa uppskrift.

Senda uppskrift

Prenta uppskrift

Setja í uppskriftabox

Drykkurinn fíni úr jarðarberjum, bönunum og tofu

0 ummæli

Þessi uppskrift er:

Án glúteins
Án mjólkur
Án eggja
Án hneta
Vegan

Jarðarberja- og banana tofudrykkur

Fyrir 1-2

Innihald

15 jarðarber, snyrt og þvegin
2 meðalstórir, vel þroskaðir bananar
150 ml appelsínusafi (ef þið viljið þynnri drykk, bætið þá meiri appelsínusafa við)
2-3 msk agavesíróp (eða hreint hlynsíróp) (enska: maple syrup), agavesíróp eða acacia hunang
300 g mjúkt tofu

Aðferð

Setjið ísmolana í blandara ásamt 50 ml af appelsínusafanum. Blandið í 5 sekúndur.
Skolið jarðarberin og snyrtið þau. Setjið þau í blandarann ásamt afganginum af appelsínusafanum og blandið í um 10 sekúndur.
Bætið bönunum saman ásamt tofuinu og agavesírópinu og blandið í um 10 sekúndur eða þangað til silkimjúkt.
Smakkið til með agavesírópi og appelsínusafa ef þið viljið sætari/þynnri drykk.