Indverskt Pachadi með blómkáli
29. nóvember, 2003
Þessi réttur er hefðbundinn réttur frá Kerala í Suður-Indlandi og í honum er blómkálið látið marinerast í súrmjólk (eða jógúrt) áður en það er eldað. Þetta er mjög fínn og léttur réttur í magann og ekkert flókið að búa hann til. Athugið þó að blómkálið þarf að marinerast í 2 tíma áður en það er eldað. Ég hef reynt að nota sojajógúrt í þennan rétt en hann varð ekki eins góður. Rétturinn hentar sem meðlæti eða létt máltíð.
Þessi uppskrift er:
- Án glúteins
- Án eggja
- Án hneta
Indverskt Pachadi með blómkáli
Fyrir 2
Innihald
- 375 g blómkál, brotið í sprota (þyngd eftir snyrtingu)
- 150 ml súrmjólk
- 1 tsk salt (Himalaya eða sjávarsalt)
- 1 tsk kókosolía
- 1 laukur, afhýddur og sneiddur þunnt
- 2 hvítlauksrif, afhýdd og söxuð smátt
- 1 msk ferskt engifer, saxað smátt eða rifið á rifjárni
- 1 tsk gul sinnepsfræ (eða brún)
- 1 tsk brún sinnepsfræ
- 0,5 tsk turmeric
- 0,5 tsk karrí
- 25 kókosmjöl
- 50-150 ml vatn
- 2 msk ferskt coriander, saxað
- 0,5 tsk svartur pipar
Aðferð
- Brjótið blómkálið í litla sprota og setjið í skál ásamt súrmjólk, salti og pipar. Blandið vel saman og geymið inn í ísskáp í 2 tíma, með plastfilmu yfir.
- Afhýðið lauk, hvítlauk og engifer. Sneiðið laukinn þunnt og saxið hvítlauk og engifer smátt.
- Hitið kókosolíuna á stórri pönnu. Steikið laukinn, hvítlaukinn og engiferið í um 8 mínútur eða þangað til laukurinn er orðinn mjúkur. Ef meiri vökva þarf á pönnuna bætið þá nokkrum matskeið af vatni út á hana.
- Bætið sinnepsfræjunum út í ásamt turmerici, karríi og kókosmjöli og hitið í 3 mínútur. Hrærið allan tímann
- Bætið blómkálinu út í ásamt súrmjólkinni og vatninu (setjið minna en meira af vatni og bætið við ef þarf).
- Hitið að suðu og minnkið svo hitann og látið malla með lokinu á í 12 mínútur eða þangað til blómkálið er orðið soðið.
- Takið lokið af, bragðið til og bætið við kryddi ef þarf.
- Hækkið hitann og bætið söxuðum corianderlaufum við. Hrærið vel.
- Sjóðið í 5-10 mínútur við vægann hita eða þangað til mesti vökvinn hefur gufað upp.
Gott að hafa í huga
- Berið fram með chapati brauði, raita gúrkusósu, byggi eða hýðishrísgrjónum.
- Nota má súrmjólk eða AB mjólk í staðinn fyrir jógúrt.
- Ef kókosolían er hörð má stinga krukkunni í heitt vatn í nokkrar mínútur þar til hún verður fljótandi.
- Nota má aðra olíu en kókosolíu, t.d. vínberjakjarnaolíu eða repjuolíu.
- Sinnepsfræ (enska: mustard seeds) fást í flestum stærri matvöruverslunum eða í verslunum sem sérhæfa sig í austurlenskri matvöru.
Tengdar uppskriftir
© CafeSigrun 2024