Heit bláberja- og vanillusósaHeit bláberja- og vanillusósa
23. ágúst, 2009
Dásemdarsósa sem er jafn góð út á hollan ís og hún er góð í alls kyns drykki (smoothie), yfir kökur og bara ein og sér upp úr pottinum. Bláber eru full af andoxunarefnum og járni ásamt trefjum. Þessi djúpi, blái litur er einmitt það sem gerir bláber svona holl en í honum leynast andoxunarefnin. Nota má frosin bláber í sósuna og sósuna má einnig frysta og hita upp síðar.
Senda uppskrift
Prenta uppskrift
Setja í uppskriftabox
0 ummæliÞessi uppskrift er:
- Án glúteins
- Án mjólkur
- Án eggja
- Án hneta
- Vegan
Heit bláberja- og vanillusósa
Gerir um 250 ml af sósu
Innihald
- 200 g bláber, fersk eða frosin
- 5 msk agavesíróp
- 1 vanillustöng
- 1 tsk sítrónusafi
- 50 ml eplasafi eða annar hreinn ávaxtasafi
Aðferð
- Setjið bláber, agavesíróp, sítrónusafa og eplasafa í lítinn pott.
- Látið suðuna koma upp og leyfið þessu öllu að malla í nokkrar mínútur.
- Skerið vanillustöngina eftir endilöngu og skafið vanillufræin úr stönginni með oddinum á litlum hnífi. Leyfið stönglinum að sjóða með bláberjunum.
- Merjið berin aðeins með litlum gaffli og hrærið vel.
- Látið sósuna malla í 10 mínútur.
- Fjarlægið vanillustöngina.
- Berið sósuna fram heita með t.d. heitum bökum og kökum, ís o.fl.
Gott að hafa í huga
- Hægt er að nota sósuna í alls kyns drykki.
- Sósan geymist í meira en viku í ísskápnum.
- Sósuna má frysta og hita upp síðar.
Tengdar uppskriftir
© CafeSigrun 2012
Ofnæmi/Óþol
Bloggið
Póstlistinn
Skráðu þig á póstlistann og fáðu nýjustu uppskriftirnar sendar í pósti
Ummæli um uppskriftina
Engin ummæli hafa verið rituð
Skrifa ný ummæli