Smákökur
Sem BETUR fer eru smákökurnar sem ég baka í hollari kantinum því annars væri ég þátttakandi í einhverjum raunveruleikaþætti í sjónvarpinu....undir yfirskriftinni „Heimsins þyngsta fólk” eða eitthvað í þá áttina. Ég ELSKA smákökur og hver jól baka ég grilljón smákökur. Yfirleitt eru þær borðaðar jafnóðum og ég á því aldrei smákökur í boxi. Frá nóvember og fram í lok desember er yfirleitt smákökulykt í húsinu því ég er stanslaust bakandi. Jóhannesi til ómældrar gleði og hamingju því það er ekkert sem hann elskar meira (fyrir utan mig auðvitað og börnin) heldur en smákökur. Þær eru líka launin hans fyrir alla vinnuna sem hann leggur í CafeSigrun vefinn. Hann er líklega eini forritarinn í heiminum sem fær greitt fyrir vinnu sína í smákökum!
Ástralskt hermannakex (ANZAC)
Þessi uppskrift kemur frá einum notanda vefjarins sem heitir Sólborg Hafsteinsdóttir.
Banana- og carobbitakökur
Þessar eru einfaldar og nokkuð hollar þar sem tahini (sesamsmjör/sesammauk) er töluvert fituminna en t.d. venjulegt smjör og hefur þann kost að vera bæði járnríkt og kalkríkt sem og koparríkt.
Banana- og döðlusmákökur
Þessa uppskrift fann ég eftir eitthvert rápið á netinu en breytti henni töluvert. Þessar smákökur eru afskaplega hollar og innihalda trefjar og prótein.
Banana-, hafra- og súkkulaðikökur
Mér var bent á þessa uppskrift af Guðrúnu Björgu, notanda CafeSigrun sem búsett er í Frakklandi.
Biscotti með möndlum
Þetta er nokkuð holl útgáfa af ítalska biscotti kexinu. Eina fitan í þessari uppskrift kemur úr möndlunum en það er holl fita svo við skulum ekkert fá svo mikið samviskubit.
Biscotti með pistachiohnetum
Ég elska biscotti. Það er handhægt (passar vel í t.d. nestisbox og bakpoka), geymist vel, er frekar auðvelt að búa til og er bara nokkuð hollt.
Biscotti með pistachiohnetum og appelsínukeim
Þessar biscotti kökur eru meiriháttar góðar með kaffinu, frábærar til að dýfa í teið eða kaffið.
Carobbitakökur
Ef þið eruð bara fyrir dísætar smákökur þá eru þessar ekki fyrir ykkur. Hins vegar ef þið viljið hollar smákökur, og ekki hroðalega sætar þá er þessi uppskrift upplögð!!!
Döðlu- og appelsínusmákökur
Þessi uppskrift kemur upprunalega úr bók sem ég á og heitir Vegan Cooking.
Döðlubitakökur með carob
Það tók mig svolítnn tíma að smíða þessa glúteinlausu uppskrift, annað hvort var deigið allt of lint, allt of þurrt eða
Gullnar piparkökur
Maður minn...lyktin sem kemur þegar maður bakar þessar. Namm. Vildi að ég gæti pakkað henni í krukku og átt að eilífu.
Gulrótarkökur
Þessar gulrótarkökur eru fínar með kaffinu en einnig eru þær upplagðar sem jólasmákökur.
Hálfmánar
Ég held að þessi uppskrift sé upprunalega af Grænum Kosti því ég sá svipaða uppskrift í bókinni hennar Sollu. Uppskriftin er allavega góð eins og allt frá henni.
Heslihnetusmákökur með sultutoppi
Þessar eru nokkuð fljótlegar og auðveldar í undirbúningi. Ekki sakar að fá smá hjálp frá litlum fingrum til að útbúa holu í hverja smáköku þar sem sultan fer ofan í.
Hlynsíróps- og sesamsmjörssmákökur
Þó þið prófið bara eina smákökuupskrift um jólin þá myndi ég prófa þessa. Smákökurnar eru syndsamlega góðar, algerlega ávanabindandi.
Hlynsíróps- og vanillusmákökur
Þessar smákökur eru mjög jólalegar og góðar og það er nokkuð afgerandi vanillubragð af þeim sem mér finnst einstaklega gott.
Hnetusmjörskökur
Nú hugsið þið örugglega..... las ég rétt? Hnetusmjörskökur? Jú þið lásuð rétt. Ég hef notað hnetusmjör í mörg ár og margir hvá við.
Ítalskar súkkulaði- og möndlusmákökur
Ég fékk þessa uppskrift úr ítölsku matreiðslubókinni hennar Elvu vinkonu sem ég var einu sinni með í láni (sko ég var með bókina að láni, ekki Elvu).
Kanilsnúðar
Ég hef hundrað sinnum verið beðin um uppskrift af kanilsnúðum í gegnum tíðina. Ég hef yfirleitt átt eina svona baka til en hef ekki birt hana fyrr en nú.
Kryddaðar hafra-, súkkulaði- og rúsínukökur
Ilmurinn sem kemur í eldhúsið þegar maður bakar þessar er ekki bara lokkandi heldur er eins og maður hafi labbað um allt með jólalykt í &
Möndlu-, quinoa og súkkulaðibitakökur
Það er ekki oft sem maður getur stært sig af því að bjóða upp á kalkríkar og trefjaríkar smákökur en þessar eru akkúrat þannig. Smákökurnar eru jafnframt glútenlausar og einstaklega fljótlegar.
Orkuhnullungar
Þessum hnullungum svipar mikið til þeirra kaka sem fást stundum innpakkaðar í plasti á kaffihúsum.
Piparkökudropar
Mig langaði svo að baka hollar piparkökur því ég elska lyktina sem kemur þegar þær eru að bakast.
Piparkökur
Búa má til piparkökukarla (og konur) og alls kyns fleiri skemmtilegar fígúrur úr þessu deigi. Einnig hentar þetta deig fyrir lítil piparkökuhús.
