Heitir eftirréttir

Heitir eftirréttir geta verið ósköp notalegir, sérstaklega þegar kalt er í veðri. Það er dásamlegt að hita eitthvað dásamlegt í ofninum og bera fram heimatilbúinn ís með. Nammi namm. Þá getur maður heldur betur gleymt því að veturinn gnauði á gluggunum.

Bananasplitt (bakaðir bananar)

Þetta er eftirréttur sem má gera annað hvort heima eða bara úti á grillinu, á ferðalaginu, upp í sumarbústað eða hvar sem er.

Eplabaka

Þetta er holl útgáfa af eplaböku en stendur engu að síður vel fyrir sínu. Það er ekki eitt gramm af smjöri í henni sem er harla óvenjulegt fyrir eplabökur sem yfirleitt eru stútfullar af smjöri.

Eplakaka Sigrúnar Erlings

Þessa uppskrift af eplaköku gaf Sigrún Erlings, mágkona mín mér. Hún sagði að allir á heimilinu lofuðu hana í hástert og þar sem hún er holl líka hentaði hún vel mínum búskap og eldhúsi!!!

Grillað mangó

Þessi réttur er með einföldustu eftirréttum sem til eru en engu að síður er hann góður og hollur.

Heit bláberja- og vanillusósa

Dásemdarsósa sem er jafn góð út á hollan ís og hún er góð í alls kyns drykki (smoothie), yfir kökur og bara ein og sér upp úr pottinum. Bláber eru full af andoxunarefnum og járni ásamt trefjum.

Heitur ávaxtaeftirréttur með hnetum

Ég fékk þessa fínu uppskrift hjá Smára bróður og Önnu Kristínu konunni hans. Þetta er hollur og góður eftirréttur, fullur af vítamínum og andoxunarefnum ásamt hollri fitu úr hnetunum.

Rabarbaragrautur

Það er hægt að gera margar útgáfur af rabarbaragraut og til dæmis er gaman að sjóða bláber með og ég hef líka prófað appelsínubörk.