Haust
Mér þykir alltaf óskaplega vænt um haustið...kannski af því mér finnst litirnir í kringum mig vera svo fallegir og haustið þýðir líka að eftir sólríkt sumar (stundum) er komið að heitu súpunum, ofnréttunum, bökunum, pottréttunum og öllu því sem má stinga í ofn eða pott og hita. Ég hreinlega elska heitar súpur...sérstaklega þegar rigningin bylur á rúðunum og það hvín í gamla húsinu mínu. Það er líka eitthvað sérlega traustvekjandi við að nota sínar eigin afurðir eins og rabarbara, blómkál, spergilkál, rófur, gulrætur og allt það sem finna má í görðum landsmanna á þessum tíma. Svo má ekki gleyma berjunum..maður minn. Ég get legið í berjamó tímunum saman.......enda á ég alltaf fullan frysti af bláberjum (sem ég tími svo varla að nota hmmm).
Haustflokkurinn inniheldur sem sagt uppskriftir sem henta vel á haustin og innihalda margar hverjar það sem er "in season" yfir haustmánuðina. Flokkurinn verður opinn fram í byrjun október.
Rabarbara- og jarðarberjadrykkur
Elva vinkona mín lagði til að ég prófaði þennan drykk en hann er úr bókinni Innocent Smoothie Recipe Book sem ég held mikið upp á.
Rabarbara- og jarðarberjaís
Elva vinkona mín gaukar gjarnan að mér rabarbara yfir sumartímann. Það er alltaf gaman að fá rabarbarasendingu því þá er eiginlega vertíð í eldhúsinu mínu.
Rabarbara- og jarðarberjaíshristingur (sjeik)
Nammi nammi. Það er fátt betra en hristingur (sjeik) á heitum sumardegi og þá er ég auðvitað að meina hollur hristingur.
Rabarbaracrumble (rabarbaramylsnubaka)
Ég á algjörlega tröllvaxinn rabarbara. Svo tröllvaxinn að stönglarnir ná rúmum metra á hæð (mínus blöðin sem eru eins og regnhlífar að stærð).
Rabarbaragrautur
Það er hægt að gera margar útgáfur af rabarbaragraut og til dæmis er gaman að sjóða bláber með og ég hef líka pr&oacu
Rabarbaramuffins
Ég var að fikta aðeins í eldhúsinu og mundi eftir rabarbarasultu sem ég átti í ísskápnum. Mér fannst upplagt að prófa sultuna í muffinsa og það tókst svona prýðilega.
Rabarbarasulta
Mér hefur eiginlega alltaf þótt rabarbarasulta vond. Þangað til ég gerði mína eigin (svona er ég nú óþolandi he he).
Rauðrófu- og gulrótarsafi
Þessi safi er stútfullur af vítamínum og hollustu.
Rauðrófudetoxdrykkur
Ég fann þessa uppskrift aftan á umbúðum drykkjar sem ég keypti frá Innocent hér í London en sá var einmitt detox drykkur.
Rauðrófusalat - tvær útgáfur (krydduð og sæt)
Flestir Íslendingar þekkja rauðrófusalat sem gjarnan er borið fram á jólunum eða notað ofan á rúgbrauð ásamt t.d. síld.
Sambaro gulrætur frá Tanzaníu
Gulrætur og sætar kartöflur eru mikið notaðar sem meðlæti í Tanzaníu og reyndar víðar í Afríku og oftar en ekki er hráefnið kryddað aðeins en ekki bara borið fram soðið eins og til dæmis víða í Evrópu.
Skonsur með grænu tei og rúsínum
Á ferð okkur um Japan áramótin 2006-7 sáum við á fjölmörgum stöðum að verið var að selja skonsur hvers konar og oft voru þær grænleitar og var þá notað grænt te í uppskriftina.
Soba núðlusalat með wakame, engifer og grænmeti
Af því að ég er nýkomin frá Japan þá gat ég ekki annað en sett inn japanskan núðlurétt. Soba núðlur eru mikið notaðar í Japan og wakame sömuleiðis en wakame er þangtegund.
Spaghetti með kræklingasósu
Þetta er fínn réttur í miðri viku þegar maður hefur ekki allt of mikinn tíma en vill búa til staðgóðan og hollan mat.
Spaghetti með sveppum
Þetta er fín og einföld uppskrift og þurrkuðu sveppirnir gefa sterkt og gott sveppabragð.
Spaghetti ya Mboga (spaghetti með bökuðu grænmeti)
Þessi einfaldi, afríski réttur kom mér á óvart. Ég leyfði tómötunum að malla vel og lengi og það borgar sig að vera þolinmóður því þannig verða þeir bestir og líkastir því sem maður fær í Afríku.
Spergilkáls- og blaðlaukssúpan frá 4 Market Place kaffihúsinu, London
Maria og Pete vinafólk okkar ráku um árabil kaffihúsið 4 Market Place í miðborg London (rétt hjá þar sem við bjuggum).
Spergilkáls- og hrísmjölsmauk
Hrísmjöli má blanda við flest ávaxta- og grænmetismauk.
Spergilkálsmauk
Spergilkál (brokkolí) inniheldur járn og mikið af C, K og A vítamíni.
Spínat- og osta cannelloni (fyllt pastarör)
Ég fann þessa uppskrift í einhverju eldgömlu tímariti en breytti henni aðeins.
Spínatkartöflur (Aloo Palak)
Þetta er mjög hefðbundið indverskt meðlæti sem maður pantar yfirleitt alltaf þegar maður fer á indverskan stað (bara eins og maður pantar grjón líka).
Spínatrétturinn úr dularfulla húsinu í skóginum í Nairobi
Það er löng saga að segja frá þessum rétti og hvernig ég fékk „uppskrift” að honum. Það atvikaðist þannig að í september 2007 var ég stödd alein í Nairobi.
Sveitamuffins með eplum og hveitiklíð
Þessi uppskrift var aftan á snepli úr einhverjum stórmarkaði hér í London.
Sveppasúpa
Þetta er bara svona hefðbundin sveppasúpa, ekkert flókin en alveg rosalega góð og einn ódýrasti matur sem fyrir finnst held ég.
Sætar kartöflur bakaðar í ofni
Þetta er nú varla uppskrift því aðferðin er svo einföld að það er næstum því hlægilegt.