Þykkir drykkir (smoothie)
Það er fátt betra en þykkur, próteinríkur og hollur drykkur til að seðja magann. Þykkir drykkir geta nefnilega verið mjög saðsamir, jafnvel heil máltíð hvort sem það er að morgni eða að kvöldi! Uppáhaldssamsetningin mín er hnetusmjör eða cashewhnetumauk, bananar, kanill og sojamjólk. Ég gæti drukkið svoleiðis blöndu á hverjum degi þangað til ég hrekk upp af. Best er að neyta drykkjanna um leið og maður býr þá til því oft vill eitthvað af innihaldinu setjast aðeins í botninn. Alla drykkina hér fyrir neðan er best að búa til í blandara en ef maður á ekki slíkan grip má bjarga sér með matvinnsluvél og jafnvel töfrasprota (ef maður notar ekki ísmola eða frosin ber o.s.frv.).
Til að hlífa hnífnum/blaðinu í blandaranum er alltaf best að blanda ísmolana fyrst (ef þeir eiga að blandast með drykknum). Best er að setja ísmolana í blandarann, hella um 50 ml af þeim vökva sem er í uppskriftinni ofan á ísmolana, láta þá standa í nokkrar sekúndur og blanda svo.
Ananas- og bláberjadrykkur
Þessi bláberjadrykkur (smoothie) er sannkallaður vítamíndrykkur. Í bláberjum eru sterk andoxunarefni, B og C vítamín ásamt kalín og kalki og fleira.
Ananasdrykkur
Þetta er hollur og góður drykkur, ananas á að hreinsa þvagfærakerfið, bæta meltinguna (inniheldur meltingarensímið bromelain), styrkja beinin, lækka blóðþrýsting, er trefjaríkur og ég veit ekki hvað.
Ástaraldin- og mangodrykkur
Þessi drykkur er Afríka í glasi (eða að minnsta kosti Tanzanía og Kenya í glasi).
Avocado- og hnetudrykkur
Þessi drykkur (smoothie) er í raun heil máltíð. Hann er fullur af trefjum, próteini, A, C og E vítamínum, kalki og hollri fitu. Sannkölluð vítamínsprengja.
Banana- og döðlu skyrdrykkur
Eitt kvöldið þegar ég var ein heima hérna í London (Jóhannes var í viðskiptaferð í Portúgal), var ekkert til í &i
Banana- og hnetusmjörsdrykkur
Nammi nammi, hnetusmjör og bananar eru unaðsleg blanda. Þessi drykkur er fínn eftir ræktina enda er hann stútfullur af orku, hollri fitu og próteinum.
Bananadrykkur frá Nairobi
Það var um haustið 2007 þegar við Jóhannes vorum (oft sem áður) í Nairobi. Við vorum nýkomin frá Zanzibar en þar áður höfðum við verið að lóðsa nokkra hópa fólks um Kenya.
Bananashristingur (Banana- og ananas hristingur)
Þetta er reglulega svalandi og frískur sumardrykkur.
Berja- og tofudrykkur
Þessi berjadrykkur (smoothie) er stútfullur af hollustu eins og andoxunarefnum úr berjunum ásamt próteinum, járni og C vítamíni. Mmmmmmm.
Bláberja- og perudrykkur
Perur hafa hreinsandi eiginleika og bláber eru hollustuheimsmeistarar, full af andoxunarefnum og járni. Þetta er sannkallaður hollustudrykkur og upplagt að nota bláberin úr berjamó haustsins.
Bláberjadrykkur með kókosvatni
Hvað get ég sagt ...ef keppt væri í hollustu drykkja (svona eins og í t.d. 100 m hlaupi) þá væri þessi drykkur í fyrsta sæti (og sennilega öðru og þriðja líka).
Blóðdrykkurinn góði
Drykkurinn er ekki ÚR blóði (ég er ekki vampíra) heldur FYRIR blóðið...því þegar maður er lágur í járni þá er þessi drykkur upplagður.
Cashewmauks- og bananamjólk
Þessi drykkur er unaðslegur, hann er hreinlega eins og flauel upp í manni (ég hef ekki smakkað fljótandi flauel en er viss um að það bragðast sv
Döðlu- og tofudrykkur
Þetta er einföld og holl uppskrift og hentar vel fyrir þá sem hafa mjólkuróþol. Í uppskriftina þarf frosinn banana en ef þið eruð ekki búin að frysta bananann, setjið þá nokkra ísmola út í.
Gulrótar- og ávaxtadrykkur
Gulrætur eru yfirfullar af A vítamíni (Beta Carotene) ásamt B1, B3, B6, fólinsýrum og kalíum (potassium) og þær innihalda einnig járn.
Járnríkur aprikósudrykkur
Þurrkaðar aprikósur innihalda helling af járni og appelsínusafinn hjálpar til við upptöku járnsins í líkamanum.
Járnríkur og hreinsandi vítamíndrykkur
Ég er sko ekkert að ýkja með því að nefna þennan drykk vítamíndrykk því hann er stútfullur af hollustu.
Jarðarberja- og banana tofudrykkur
Þessi drykkur er fullur af próteinum og vítamínum og er upplagður eftir ræktina eða í eftirmiðdaginn þegar mann vantar orkuskot.
Jarðarberja- og vatnsmelónudrykkur
Þessi drykkur er í miklu uppáhaldi og það er sérstaklega áferðin sem mér finnst svo frábær því hún er loftkennd og freyðandi.
Jarðarberjahristingur
Vissuð þið að til eru 600 afbrigði af jarðarberjum? Þetta var fróðleikskorn dagsins í boði CafeSigrun!
Kiwi- og bananadrykkur
Þetta var bara svona tilraun einn laugardaginn með ávexti úr ísskápnum. Saðsamur og hollur drykkur, fullur af vítamínum og skemmtilega grænn á litinn.
Kiwi- og límónusafi
Þegar Jóhannes smakkaði þennan drykk sagði hann: „Þennan drykk væri ég til í að kaupa oft”.
Krækiberja- og engiferdrykkur
Þessi drykkur er ferskur og frísklegur og upplagður á haustin þegar maður á krækiber.
