Döðlusulta

14. desember, 2005

Þetta er heimsins einfaldasta sulta og passar rosa vel með t.d. vöfflum, í haframjölstertur (milli laga) ofan á kex með osti, ofan á hummus og margt fleira.

Upplagt er að frysta sultuna í litlum skömmtum. Best er að nota matvinnsluvél en hægt er að nota töfrasprota eða blandara en þá þarf stundum meiri vökva.

Athugið að matvinnsluvél þarf til að útbúa þessa uppskrift.

Senda uppskrift

Prenta uppskrift

Setja í uppskriftabox

Holl sulta upplögð á vöfflurnar

0 ummæli

Þessi uppskrift er:

Án glúteins
Án mjólkur
Án eggja
Án hneta
Vegan

Döðlusulta

Fyrir 5-6 sem meðlæti (t.d. á vöfflur)

Innihald

100 g döðlur, saxaðar gróft
1 tsk vanilludropar (úr heilsubúð)
Smá klípa kanill, múskat eða negull (má sleppa)
250 ml hreinn eplasafi eða appelsínusafi

Aðferð

Saxið döðlurnar gróft og setjið þær í pott ásamt safanum og kryddinu.
Látið suðuna koma upp og leyfið döðlunum að malla í um 20 mínútur.
Kælið döðlurnar aðeins og setjið í matvinnsluvél. Maukið döðlurnar í um 1 mínútu eða þangað til mjúkar. Ef illa gengur að mauka döðlurnar má bæta nokkrum matskeiðum af safa til viðbótar.
Geymið í ísskáp í um viku eða frystið.

Gott að hafa í huga

Mikilvægt er að geyma sultuna í ísskáp og geymist hún í rúmlega viku í lokuðu íláti.
Einnig má frysta sultuna í litlum skömmtum og geyma þannig, upplagt að grípa úr frysti t.d. ef maður bakar vöfflur.