Coronation kjúklingasalat

27. febrúar, 2003

Ég hef séð coronation chicken samlokur hérna í UK og þær eru ekki mjög geðslegar, vaðandi í majonesi og viðbjóði. Ég var því frekar treg til að prófa að útbúa þennan rétt en sem betur fer lét ég fordóma lönd og leið því hann er mjög góður (fyrir þá sem borða kjúkling). Ég notaði jógúrt í staðinn fyrir majones en þeir sem vilja geta auðvitað notað majones. Þessi réttur er borinn fram kaldur og er tilvalinn til að borða úti á heitum sumardegi. Vínberin og karríið passa mjög vel saman. Upplagt í samlokuna eða vefjuna daginn eftir!

Þessi réttur þarf að fá að vera í ísskápnum nokkra klukkutíma áður en hann er borinn fram svo gerið ráð fyrir því í undirbúningi.

Senda uppskrift   Prenta uppskrift   Setja í uppskriftabox

0 ummæli 0 ummæli

Þessi uppskrift er:

  • Án glúteins
  • Án eggja
  • Án hneta

Þessa uppskrift er auðvelt að gera:

  • Án mjólkur

Coronation kjúklingasalat

Fyrir 2-3

Innihald

  • Hálfur grillaður kjúklingur í bitum, skinnlaus
  • 150 ml hrein jógúrt (ég nota gjarnan sojajógúrt)
  • 1 mtsk agavesíróp
  • 0,5 msk söxuð steinselja
  • 50 g sæt, steinalaus, græn eða blá vínber, skorin í 4 hluta
  • Hálfur blaðlaukur, í sneiðum (dökki endinn)
  • 1 hvítlauksgeiri, pressaður
  • 1 msk milt karrí
  • Svartur pipar eftir smekk

Aðferð

  1. Blandið jógúrti, vínberjum, steinselju og agavesírópi saman og látið standa í kæli í um klukkutíma.
  2. Ef kjúklingurinn er grillaður fjarlægið þá skinnið, rífið hann í strimla og hitið hann ásamt blaðlauk, hvítlauk og karríduftið í um 15 mínútur á pönnu með smá vatni.
  3. Ef kjúklingurinn er ekki grillaður/n skal fjarlægja skinnið og steikja hann í 1 tsk og kókosolíu og vatni þangað til hann er orðinn tilbúinn. Blandið svo blaðlauk, hvítlauk og karríi saman við.
  4. Setjið blönduna í skál, látið kólna alveg og setjið svo í ísskáp og kælið í 2 klukkustundir.
  5. Kryddið með pipar.
  6. Setjið kjúklingablönduna í jógúrtsósuna og blandið vel saman.
  7. Takið salatið úr ísskápnum um 20 mínútur áður en á að borða það.

Gott að hafa í huga

  • Gott er að bjóða upp á soðin hýðishrísgrjón eða bygg með salatinu.
  • Einnig er gott að hafa nýbakað, gróft snittubrauð með þessum rétti.
  • Nota má sojajógúrt eða AB mjólk í staðinn fyrir venjulega jógúrt. Einnig má nota 5% sýrðan rjóma frá Mjólku (hann er án gelatíns).
  • Nota má hunang (acacia hunang) í stað agavesíróps.
  • Notið „hamingjusaman kjúkling" (free range) ef þið mögulega getið.
  • Ef ekki fást steinlaus vínber skal hreinsa steinana úr. Steinar úr vínberjum ættu ALDREI að vera í neinum mat, miður skemmtilegt að þurfa að plokka þá úr munninum.
Flokkar Salöt, Kjúklingur, Hitt og þetta, Sumar
Senda á facebook   Senda uppskriftina á twitter   Pin It  
Senda uppskrift   Prenta uppskrift   Setja í uppskriftabox
© CafeSigrun 2012

Ummæli um uppskriftina

Engin ummæli hafa verið rituð

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
ellefu plús tveir eru