Chapati (indverskar flatkökur)Chapati (indverskar flatkökur)
26. maí, 2003
Þetta brauð ætti með réttu að heita heimsins einfaldasta brauð. Það hentar vel með indverskum mat því það er hlutlaust í bragði (minnir helst á ristað pítubrauð en er samt gerlaust). Það er sérlega gott að nota til að dýfa í sterkar sósur og þess háttar. Chapati er líka mikið notað í Afríku, sérstaklega þar sem indverskra áhrifa gætir, við Indlandshafið. Ég hef oft borðað chapati í Afríku og finnst alltaf jafn gott. Það hentar líka vel til að skófla upp í sig t.d. pottréttum eins og maður borðar oft þar um slóðir. Brauðið hentar líka sérlega vel í útilegur því maður getur útbúið brauðið heima og hitað upp í álpappír yfir eldi.
Senda uppskrift
Prenta uppskrift
Setja í uppskriftabox
Chapati (indverskar flatkökur)
8 ummæliÞessi uppskrift er:
- Án mjólkur
- Án eggja
- Án hneta
- Vegan
Chapati (indverskar flatkökur)
Gerir um 10-12 chapati brauð
Innihald
- 250 g spelti
- 1 tsk salt (Himalaya eða sjávarsalt)
- Um 200 ml vatn (meira eða minna eftir þörfum)
- Nokkrir dropar kókosolía í þurrku til að strjúka yfir pönnuna
- Járnpanna (t.d. pönnukökupanna sem má brenna við á)
Aðferð
- Blandið saman speltinu og saltinu í skál.
- Gerið holu í miðjuna og hellið vatninu í.
- Hnoðið deigið lauslega eða þangað til það er hætt að festast við skálina.
- Skiptið deiginu í 10-12 litla bita
- Fletjið hvern bita út í kringlótta köku með kökukefli (u.þ.b. eins og undirskál að stærð) og passið að hafa nóg af spelti bæði undir deiginu og ofan á því (þegar þið rúllið með kökukeflinu).
- Hitið pönnuna vel og setjið kókosolíu í þurrku til að strjúka yfir pönnuna.
- Leggið hverja köku ofan á pönnuna og hitið þangað til koma blöðrur í deigið (upp undir 30 sekúndur).
- Snúið við og notið pönnukökuspaða til að þrýsta kökunni niður á pönnuna. Hitið í nokkrar sekúndur.
Gott að hafa í huga
- Kökurnar mega alveg vera aðeins brenndar og bólgnar, það gefur þeim bara meira bragð og karakter.
- Það má gjarnan setja krydd eins og coriander, basil o.fl. í brauðið.
- Ef þið eigið ekki kökukefli getið þið notað stóra flösku.
Tengdar uppskriftir
© CafeSigrun 2012
Ofnæmi/Óþol
Bloggið
Póstlistinn
Skráðu þig á póstlistann og fáðu nýjustu uppskriftirnar sendar í pósti
Ummæli um uppskriftina
13. mar. 2011
var að prufa og þetta lofar góðu :-) einfalt og auðvelt
ætla að prufa aftur og setja þá smá krydd í brauðið.
13. mar. 2011
Líst vel á að prufa krydd Dana, það gæti komið vel út :)
29. jún. 2011
Er óhætt að taka svona með sér í 3-4 daga göngu? geymist þetta vel?
29. jún. 2011
Það geymist alveg (.ránar ekki né myglar á 3-4 dögum) en verður MJÖG þurrt og jafnvel óætt nema maður risti brauðið yfir eldi eða dýfi brauðinu t.d. í súpu. Myndi líka mæla með að nota 2 msk af kókosolíu í deigið, brauðið geymist betur þannig :)
16. okt. 2011
ég er voða spennt fyrir þessu en finnst svolítið skrýtið að uppskriftin gefi m 10 brauð ef það á að skipta deiginu í 12 hluta :) Elska uppskriftirnar þínar! Takk fyrir að deila þeim svona
16. okt. 2011
Ha ha góður punktur Hulda Rós....ég er búin að lagfæra :)
14. des. 2011
Ég bakaði svona brauð en það minnti einna helst á flatkökur,á það ekki að lyfta sér? Er hægt að setja lyftiduft til að það verði svipað og Naan brauð? En það bragðaðist mjög vel,setti Maldon salt og smurði með grænu pestó og Hummus:) Takk fyrir flottar uppskriftir.
14. des. 2011
Sæl. Chapati er mjög ólíkt Naan brauði. Naan brauð er loftkennt og mjúkt og í það er notað ger (til þess að það verði einmitt létt og mjúkt). Þó að maður noti vínsteinslyftiduft fær maður ekki út Naan brauð....ég nota ekki ger og þess vegna er ekki uppskrift að Naan brauði á vefnum mínum. Ef þú googlar Naan brauð geturðu fengið fullt af fínum uppskriftum sem þú ættir að geta leikið þér með :)
Skrifa ný ummæli