Pride uppskriftin 2013 (gleðipinnar)!

Þá er komið að því.....Pride uppskriftin 2013.

Á hverju ári í nokkur ár hef ég sýnt réttindabaráttu samkynhneigðra stuðning með því að bjóða upp á uppskriftir með regnbogalitum (litum regnbogafánans) í tilefni Hinsegin daga. 

Í ár gerði ég frostpinna úr kókosolíu og hlynsírópi og ég notaði náttúrulega matarliti frá Indian Tree sem eru glúteinlausir, mjólkurlausir og vegan. Þeir eru RÁNdýrir (um 3000 kr flaskan fyrir nokkra millilítra). Litina má kaupa á Amazon og mæli ég eindregið með því að þið splæsið í svoleiðis ef þið getið því hefðbundnir matarlitir eru yfirleitt óþverri. Litirnir eru ekki mjög sterkir en það er jú af því þeir eru náttúrulegir!

Gleðipinnarnir eru sáraeinfaldir í framkvæmd en viðveran er svolítil þar sem maður þarf að bíða eftir að eitt lag frjósi áður en næsta lag er sett ofan í. 

Gleðilega Hinsegin daga!