Foie Gras
Áður en þið verslið dós af Foie Gras í búðinni eða kaupið hana erlendis til að gefa vinum og vandamönnum á Íslandi, skuluð þið ímynda ykkur ef þið fengjuð sem samsvarar 13 kíló af pasta ofan í magann á 2 sekúndum. Fuglunum er haldið í búri, umsjónarmaður heldur um háls þeirra og slanga fer ofan í kokið sem dælir maís með fitu ofan í maga fuglanna. Þeim líður það illa að þeir forðast umsjónarmennina sem troða þá út og reyna að forðast slönguna líka. Fuglarnir verða veikir, fá hita, enda á sýklalyfjum til að halda í þeim líftórunni og þannig stækkar lifrin út í hið óendanlega þangað til fuglinn getur ekki lengur hreyft sig og lifrin er alveg um það bil að springa. Ef fuglarnir yrðu ekki drepnir til að gera úr þeim kæfu myndu þeir drepast úr lifrarbilun mjög fljótt og beinbrot eru tíð því fuglarnir verða svo þungir og beinin geta ekki haldið þeim uppi. Á flestum stöðum í Evrópu er þessi meðferð á dýrunum bönnuð en í löndum eins og Ungverjalandi er þetta leyft. Hvers vegna fólk gerir svona lagað, skil ég ekki, ekkert frekar en að halda dýrum í búrum áður en þau eru notuð í fatnað (minkar, refir) eða mat síðar (kjúklingur, svín o.fl.).
Ég hvet ykkur til að kaupa aldrei Foie Gras og ef þið gerið svo að lofa því að þið takið smá stund í að hugsa um hvernig þið mynduð vilja útskýra þessa kæfu fyrir börnunum, hvernig hún verður til. Hvort þið væruð sátt við þá útskýringu ykkar. Mér finnst að ætti að skylda alla foreldra til að útskýra fyrir börnunum hvaðan matur kemur, svo þau geti tekið afstöðu til matarins, meðferðar á dýrum o.fl. Ég er ekki viss um að börnin myndu samþykkja meðferðina á dýrunum. Ekki það svo sem, mörg börn vita ekki að mjólk kemur úr kúm, hvað þá að Foie Gras kemur úr fársjúkum fuglum.
Ég veit að þetta er léttvægt miðað við annað sem er að gerast... (þjóðfélagsmál, Gaza svæðið, hungursneyð o.fl.) ég er bara að svara smá fyrirspurn sem ég fékk....
Ummæli
15. jan. 2009
úff þetta er svakalegt að lesa. Það er alveg á hreinu að ég mun ekki leggja mér þetta til muns og er fegin að hafa ekki gert það hingað til.
Takk fyrir frábæra síðu Sigrún. Hef lengi fylgst með og prufað nokkrar uppskriftir en aldrei sagt neitt :)
Kv. Sigrún Ásg.
15. jan. 2009
ég borða þetta aldrei og mun ekki gera þetta er ógeð hvernig er farið með dyrin.Kv.m
15. jan. 2009
hver spyr svona???
15. jan. 2009
Korinna: Sem betur fer var það áhugamanneskja um velferð dýra sem vildi bara vera viss :)
16. jan. 2009
Sæl Sigrún.
Já þetta eru ekki huggulegar aðferðir sem menn beita til þess að búa til gæsalifrarkæfu. En sem betur fer finna snjallir bændur alltaf leið til þess að vinna með náttúrunni. Foie Gras á mannúðlegan hátt. Skoðið þetta: http://www.ted.com/index.php/talks/dan_barber_s_surprising_foie_gras_par...
16. jan. 2009
ég skimaði yfir byrjun færslunnar , en ákvað að ég leggði ekki í að lesa því ég hef séð svona áður og var( og er enþá ) með martraðir yfir þessu , hversu miklir hrottar maðurinn getur verið . þetta er svo siðblint og andstyggilegt . ég næ ekki uppí nefið á mér fyrir vanþóknum og viðbjóði !!!
16. jan. 2009
afsakið geðshræringuna, þetta er mér mikið hitamál !! :O
16. jan. 2009
Rósa: Gott að þér (og fleirum) er ekki sama....ef þessi færsla er nóg til að vekja fólk til umhugsunar þá er ég afskaplega glöð. :)
18. jan. 2009
Alltaf lærir maður eitthvað nýtt!
29. jan. 2009
Davíð kommentið frá þér fór í spammið og ég sá það ekki fyrr en núna! Takk fyrir þennan tengil, mjög áhugavert!!!
Eini gallinn er að það eru mjög margir sem átta sig ekki á muninum þegar þeir horfa á krukkuna/dósina í búðinni og því þyrfti þetta að vera ansi vel kynnt og merkt og hin aðferðin ætti auðvitað að vera bönnuð fyrst að til er mannúðleg aðferð við þetta.
Takk fyrir að senda mér tengilinn.