Púkó hamborgarafrétt

Mér finnst alveg svakalega púkó og alveg einstaklega gúrkulegt þegar dagblað birtir frétt þess efnis að þekktur líkamsræktargaur hér í borg hafi verið að kaupa sér 4 hamborgara. Í fyrsta lagi kemur öðrum það ekki við hvað hann borðar, í öðru lagi var hann kannski að kaupa fyrir aðra og í þriðja lagi má hann alveg borða hamborgara ef hann langar til þ.e. hann er ekki að auglýsa það að hann sé grænmetisæta eða selja salat í boxi eða álíka. Sem betur fer er ég ekki að lenda í svona því þá væri ég fyllibytta og súkkulaðifíkill því í hverjum mánuði þegar ég kom frá London til Reykjavíkur keypti ég áfengi fyrir aðra (kaupi reyndar ALDREI tóbak fyrir aðra) og bara í síðasta mánuði keypti ég 9 poka af Hersheys súkkulaðikossum fyrir Elvu vinkonu sem er að fara að gifta sig í haust. Maður veit aldrei alla söguna á bak við fólk...þetta er ástæðan fyrir því að mér finnst Ísland allt, allt of lítið. Slúðurblöðin eru svo sem ekkert lamb að leika sér við í London en það er munur á 8 milljón manna borg eða 170 þúsund manna borg.