Hin yndislega London-or not

Það er reyndar ekki rétt. Jú menn menga mikið en dýr eins og beljur menga það mikið að þær eru einn aðalskaðvaldurinn í gróðurhúsáhrifum. Þær gefa frá sér methan, bæði með því að ropa og leysa loft og það er nú töluvert meira en frá mönnum elskan mín. Það eru 1,300,000,000 beljur í heiminum og þær gefa frá sér 60,000,000 tonn af methani á ÁRI. 25% af öllu methani sem er leyst út í loftið, kemur úr beljum (og þá er ekki talið með billjónir kinda, svína, fugla o.s.frv.). Ammóníak frá þvagi dýra mengar einnig töluvert.

Til að framleiða 1 kaloríu af orku frá kjöti þarf 60 kaloríur af bensíni en til að framleiða korn og fleira fyrir mannfólk þarf aðeins 20 hitaeiningar fyrir hverja kaloríu af bensíni. Það 'meikar því engan sens' að borða kjöt í rauninni, og er töluvert vont fyrir umhverfið, tala nú ekki um mengun frá sláturhúsum.

Til að framleiða 500 grömm af hveiti þarf 25 gallon af vatni en fyrir 500 grömm af kjöti þarf 2500 gallon af vatni (sem væri til dæmis hægt að senda til Afríku eða annarra landa).

Þannig að þú sérð að dýrin eru ekki alheilög og þó sumum þyki þau góð á bragðið þá eru þau óumhverfisvæn þó að auðvitað sé maðurinn stærsti mengunarvaldurinn... enn þá.

Eitt enn, hefurðu búið í stórborg þar sem milljónir dúfna svífa yfir hausnum á þér með billjónir baktería? Ekki skemmtilegt. Þær eru sætar úr fjarlægð og gefa 'karakter' en þær eru bölvaður viðbjóður. Að sjálfsögðu myndi ég vilja láta drepa þær á mannúðlegan hátt.

Skoðaðu til dæmis þennan tengil, margt áhugavert um mengun nautgripa til dæmis að finna (þ.e. ég er ekki bara að bulla):

http://www.flex.com/~jai/articles/101.html

Ég hef aldrei sagt annað en að menn séu að eyðileggja náttúruna með fávisku sinni og óumhverfisvænum lifnaðarháttum. Ég tala um það daglega. Það kemur bara dúfum lítið við.

Þú svaraðir ekki spurningunni varðandi það hvort þú hefur búið í borg þar sem dúfur eru plága? Prófaðu það í nokkur ár og segðu svo hvað þér finnst. Spurðu alla þá sem búa í stórborg. Alls staðar annars staðar en á Íslandi eru dúfur í sama flokki og rottur og allir íbúar vita hvers vegna nema við Íslendingar en það er af því að við erum ekki með dúfur. Það situr ansi föst í mér myndin af dúfum plokkandi í rottukjöt á götunni sko og þegar hún flýgur beint í andlitið á mér þegar ég labba á götunni þá er voðalega erfitt að gleyma því.

Svona til 'gamans' má líka geta þess að í fuglaflensuumræðunni er verið að tala um það það verði dúfur sem komi af stað næsta faraldri og drepi fleiri milljónir manns, ojæja, svo sem of mikið af okkur en fjandinn hafi það, ég ætla ekki að drepast vegna dúfu, frekar hænu!

Og fyrst að ég vil láta fjarlægja þær á annað borð....vil ég láta gera það mannúðlega því mér finnst óþarfi að dýr kveljist. Dúfur eru plága, alveg sama hvernig á þær er litið. Í 8 milljón manna borg eru þær MIKIL plága.

Fyrst að öll dýr eiga rétt á sér..... finnst þér í lagi að hafa rottur í bakgarðinum þínum eða í veggjunum? Mýs í barnavagninum þínum? Dúfur sem borða rottur sem skíta á fingur barns sem sleikir fingurinn? Köngulær í skápunum hjá þér? Maura í skúffunum þínum? Einhvers staðar þarf að draga mörkin.

Nei....ekki óþægilegar.... þær eru einmitt hættulegar. Þær eru fljúgandi 'smit tímasprengjur'. Spurðu bara líffræðing eða smitsjókdómafræðing.

Ég hef ekkert á móti heilbrigðum fallegum dúfum (eða hvítum gælurottum) en þessi dýr búa ekki í London, það er nokkuð ljóst. Þessi dýr eru ekki að borða skítinn af götunum.

Dúfur í London eru ALLT of margar og á meðan þær eru svona margar og fjölga sér á þessum hraða þá er ekkert fyrir þær að éta, nema hundaskítur, mannaskítur, rottuhræ, músahræ (trúðu mér ég hef séð þetta allt) og almennt rusl o.s.frv. Þessar dúfur eru veikar og bæklaðar AF ÞVÍ að þær eru svona margar. Það getur ekki verið gaman að vera horuð dúfa með bæklaðar lappir, skríðandi um London, étandi hundaskít. Þetta gerist af því þeim fjölgar svo hratt. Ég vil ekki láta fjarlægja þær vegna þess að þær eru 'fyrir mér' eða 'ljótar', nei ég vil láta fjarlægja þær vegna þess að þeim líður illa, þær éta óþverra, þær eru allt of margar og þær eru hættulegar öðrum. Vissirðu að það er bannað samkvæmt LÖGUM að gefa dúfum að borða í London. Það má stinga þér inn eða sekta þig ef þú ert uppvís að því að gefa dúfum að éta. Held að yfirvöld leiki sér ekki að því að setja þessi lög og þeir hafa góða ástæðu fyrir því að setja þau á....ástæðan er smitsjúkdómar og heilbrigðisvandamál.

Dúfur eru rómantískar í bíómyndum og bæklingum en þær eru ekki svona í raunveruleikanum. Þær eru aldrei sýndar eins og þær eru í stórborgum, étandi skít og bæklaðar en þannig eru þær í raun.

Ég drep nú yfirleitt ekki köngulær eða geitunga, ég hendi þeim út því þær eru ekki hættulegar heilsu minni svona ein og ein.

Hmmm vald segirðu..... Myndirðu ekki láta fjarlægja geitungabú ef svo vildi til að það væri í svefnherberginu þínu? Eða fyrir utan gluggann þar sem þú setur barnavagninn þinn (ef þú gætir hvergi sett hann annars staðar?). Myndirðu ekki láta eitra fyrir rottu sem væri í kjallaranum þínum...að fjölga sér? Ef ekki, þá segi ég vá og húrra, þú ert hugrökk en ef já þá ertu orðin ansi valdmikil er það ekki (allavega hefurðu þá vald sem ég 'má' ekki hafa????) Ertu grænmetisæta? Ef já, þá frábært en ef nei...ertu þá ekki að setja þér í hendur vald sem þú í raun hefur ekki? Sama ef þú gengur í leðurskóm, með leðurbelti, átt leðursófa o.s.frv.? Ansi mikið vald ekki satt? Ef þú átt veikt dýr t.d. hund sem er kvalinn vegna æxlis, myndirðu ekki láta svæfa hann? Hver hefur valdið? Ef þú lætur hann lifa þá ertu að láta skepnuna kveljast.... ef þú lætur svæfa hann, ertu þá orðin vond af því þú valdir að svæfa hann og setur þig í spor þess sem hefur öll völd og deyðir aðra lífveru????? Það þurfa allir að hafa þetta vald til að ákveða hvað er best hverju sinni, er almannaheill eða er lífveru til góða.

Vald er ekki það sama og vald, rotta er ekki það sama og rotta og dúfa er ekki það sama og dúfa. Það að vera dýravinur er ekki það sama og að vera dýravinur.

Þetta eru góðir punktar hjá þér og hollt og gott að pæla í þessu og kannski verðum við að vera sammála um að vera ósammála.

Jæja elskan, hafðu það svoleiðis.