Limó á Sergio's

Mér finnst þetta nú óttalegt bruðl sko. Það var eitthvað fólk áðan sem kom á þessari limó á Sergio's pizzastaðinn hérna beint á móti. Sko Sergio's er alveg ágætur ítalskur 'hverfis' veitingastaður en maður getur nú alveg komið í Tubeinu eða labbandi eða þess vegna á skellinöðru sko. Það er alltaf tekið vel á móti manni. Þetta var Benz limó og örugglega rosa dýr en við sáum samt enn þá flottari limó um daginn. Það var Bentley limósína og við höfum aldrei séð svoleiðis áður og sér maður þá margan eðalvagninn í London. Gæti alveg trúað að þar hafi verið á ferðinni dýrasta limósína heims. Hún hefur allavega ekki verið ódýr, svo mikið er víst. Sá engan frægan koma út úr limósínunni fyrir framan Sergio's. Þeir eru nú samt ekki með svona Sergio's limósínu svona eins A Hansen er með. Eins og sést á myndinni þá er ekki sól en á morgun byrjar hitabylgjan með tilheyrandi lífi og fjöri, tónlistarmönnum út á götu, fólki að drekka bjór á pöbbunum og almennri gleði í lofti. Vona að ég bráðni ekki í ræktinni í fyrramálið.