Bananabrauð

5. mars, 2003

Þetta er afskaplega einföld og fljótleg uppskrift að bananabrauði. Hún er líka holl. Mikilvægt er að nota vel þroskaða banana, helst þannig að þeir séu orðnir svartir og það er ekkert sem betra er að nota svoleiðis banana í, heldur en svona brauð. Ég man ekki alveg hvaðan þessi uppskrift er, hún gæti verið blanda úr mörgum. Ég man bara að það áttu að vera 100 g af smjöri en ég skipti því nú út strax fyrir 1 aukabanana og 1 msk af kókosolíu. Það er svaðalega gott að setja svolítið af söxuðum valhnetum út í deigið og eykur það mikið á hollustuna enda innihalda valhnetur holla fitu.

Athugið að þið þurfið brauðform sem tekur a.m.k. 1 kg fyrir þessa uppskrift.

Senda uppskrift   Prenta uppskrift   Setja í uppskriftabox

Einfalt og hollt bananabrauð
6 ummæli 6 ummæli

Þessi uppskrift er:

  • Án mjólkur
  • Án hneta

Bananabrauð

Gerir 1 brauð

Innihald

  • 1 egg
  • 90 g rapadura hrásykur (eða annar hrásykur)
  • 2 msk agavesíróp (einnig gott að nota hrísgrjónasíróp)
  • 75 ml lífrænt framleiddur barnamatur án sykurs; banana-, epla-, peru-, eða aprikósumauk
  • 4-5 mikið þroskaðir bananar (ef þið notið 5, má sleppa barnamatnum)
  • 1 msk kókosolía
  • 200 g spelti
  • 2 tsk vínsteinslyftiduft
  • 1 tsk salt (Himalaya eða sjávarsalt)
  • 25 g haframjöl
  • 25 g haframjöl til að strá yfir

Aðferð

  1. Þeytið eggið lauslega og bætið hrásykrinum saman við í smáum skömmtum (nokkrar matskeiðar í einu eða svo).
  2. Merjið bananana með gaffli og hrærið saman við eggið ásamt kókosolíunni og agavesírópinu.
  3. Sigtið saman í stóra skál; spelti, lyftidufti og salti og hrærið vel. Bætið 25 g af haframjöli út í.
  4. Hellið bananablöndunni út í stóru skálina og hrærið mjög varlega (rétt veltið deiginu til þangað til það blandast saman). Deigið á að vera það blautt að það leki af sleif í stórum kekkjum og ekki t.d. það þurrt að hægt sé að hnoða það.
  5. Klæðið brauðform með bökunarpappír og hellið deiginu í formið. Gætið þess að það fari vel í öll horn.
  6. Dreifið afganginum af haframjölinu yfir bananabrauðið.
  7. Bakið í 180°C í 40-45 mínútur.

Gott að hafa í huga

  • Það er mjög gott að setja um 1 tsk af kanil í uppskriftina, sérstaklega fyrir jólin!
  • Gott er að bæta við söxuðum hnetum í uppskriftina (t.d. pecanhnetum eða valhnetum).
  • Það er mjög gott að frysta kökuna og hita upp síðar. Það er líka sniðugt að skera kökuna í sneiðar og pakka inn þannig. Þannig getur maður hitað eina sneið í einu og tekið með sér í nestið!
  • Ef kókosolían er hörð má stinga krukkunni í heitt vatn í nokkrar mínútur þar til hún verður fljótandi.
  • Ég nota Hipp Organic, Organix eða Holle barnamat. Þessi merki eiga það sameiginlegt að vera lífrænt framleidd og eru ekki með viðbættum sykri.
  • Í staðinn fyrir barnamat má nota eplamauk (enska: Apple sauce) úr heilsubúð eða heilsudeildum matvöruverslana.
  • Ef afgangur er af barnamatnum má frysta hann í ísmolabox og nota í drykk síðar (smoothie).
  • Nota má hreint hlynsíróp (enska: maple syrup) í staðinn fyrir agevesíróp.
  • Notið hamingjuegg ef þið mögulega getið.
Flokkar Kökur / eftirréttir, Á ávallt við, Jólauppskriftir
Senda á facebook   Senda uppskriftina á twitter  
Senda uppskrift   Prenta uppskrift   Setja í uppskriftabox
© CafeSigrun 2012

Ummæli um uppskriftina

Magnea
09. maí. 2011

Uppáhaldið mitt að fá mér með síðdegiskaffinu - set reyndar minni sykur og blanda spelti við hveiti :) namm

sigrun
09. maí. 2011

Gaman að heyra Magnea :)

Lee Ann
14. júl. 2011

Nammi namm - bakaði þetta í fyrsta skipti áðan og þetta er alveg himneskt brauð :)

sigrun
14. júl. 2011

Gott að heyra Magnea og takk fyrir að deila með okkur :)

Ægir G
24. sep. 2011

Mmm, baka þetta reglulega. Ég hef alltaf með kanil í deiginu, finnst það gefa alveg ómótstæðilegan keim :) Gæti hugsað mér að setja smá negul fyrir jólin með.

sigrun
24. sep. 2011

Líst vel á negulinn Ægir :)

Skrifa ný ummæli

Vinsamlegast athugið að reiti merkta með * þarf að fylla út.
 
Innihald þessa svæðis verður ekki sýnilegt almenningi.
Þessi spurning hér að neðan er til að varna því að spamvélar geti sett inn sjálfvirkar færslur.
Vinsamlegast leggðu saman tölurnar og skrifaðu niðurstöðurnar. T.d. fyrir einn plús þrír, skaltu skrifa 4.
þrír plús einn eru